| Profil de WindanMy pAst, yoUr preSent, o...PhotosBlog |  Outils  Aide |
想學廣東話？ 跟住读喇~~跟住读喇~!:
人之初,口多多,知少少,扮代表 牙斩斩,死得惨,声大大,冇货卖 有早知,冇乞儿,担凳仔,霸头位 有得震,冇得训,侧侧膊,唔多觉 笑骑骑,放毒蛇,眼大大,易学坏 眼湿湿,够咸湿,搞搞震,冇帮衬 博大雾,唔使做,有姿势,冇实制 其實粵語用嚟鬧人嘅非粗口都有幾多詞咖,下面摘錄咗一少部分,不過你哋千其唔好亂咁用呢啲詞鬧人啊. “茂理”——指傻傻地嘅人. “木嘴”——同“茂理”其實差唔多意思,都系指一個人傻傻呆呆,不過木嘴側重于形容一個人嘅外表,而“茂理”側重于形容一個人的內在. “粉腸”——“粉腸”系當你睇唔順一個人時用嚟形容佢嘅,意思都係話佢唔叻得去邊. “頂你個肺”——處於粗口嘅邊界,意思同某一個粗口詞差唔多,不過語氣較輕. “廢柴”——形容一個人系廢物. “碌葛”——形容人好似粉葛一樣呆笨. “水魚”——畀人揾笨嘅人. “懵盛盛”、“戇居”——蒙查查 “賣剩蔗”、“蘿底橙”——大姑娘30幾歲都重未有如意郎君,噉就叫賣剩蔗、蘿底橙喇. “收皮”、“收爹”——都有叫人收聲,滾開嘅意思. “孤寒”——吝嗇,縮骨. “拾嚇拾嚇”——“傻嚇傻嚇”,傻傻地. “洗衫板”——唔使問都知道系形容身材差嘅女士啦. “死蠢”——相信系人都知道系好唔耐煩噉鬧人地蠢啦. “瘦骨仙”——形容人瘦骨嶙峋. “騎咧”——形容古靈精怪嘅人. 人之初 － 口多多(童言无忌，口不择言。) 笑骑骑 － 放毒蛇(笑里藏刀也。) 馬照跑 － 女照搞(九七年之後，香港保留資本主義制度，五十年不變。) 舞照跳 － 鸡照叫 知少少 － 扮代表(贪功认叻。) 牙斩斩 － 死得惨(祸从口出。) 眼眨眨 － 扮花旦(虽无过犯，面目可憎之辈。) 声大大 － 冇货卖(言过其实。)
眼大大 － 易学坏(青春少艾，容易误入歧途。) 周身郁 － 扮忙碌(郁者，动也；讲多过做。) 眼湿湿 － 扮忧郁(猫哭老鼠。) 嘴藐藐 － 打得少(口花花，撩是斗非。) 静鸡鸡 － 认低威(衰衰地＊低，认错也。) 有早知 － 冇乞儿(世事难料。) 晨早知 － 中三T(三T，香港最多奖金的赛马彩池。) 担凳仔 － 霸头位(惊死执输。) 一张票 － 睇到笑(香港三级色情电影戏院买一张票可以整天任看。) 好好好 － 睇唔到(敷衍了事) 有得振 － 冇得瞓(大祸临头。振，颤抖也。) 搞搞振 － 冇帮衬(搞事破坏份子。) 侧侧膊 － 唔多觉(得过且过，求求其其。) 0焦多件 － 攞嚟贱(自己攞衰。) 有姿势 － 冇实际(虚有其表。) 七八九 － 饮到呕(「七八九」是卡拉OK夜店的猜枚游戏。) 手头紧 － 搵真银(勤力搵钱。) 淡淡定 － 有钱剩(凡事处变不惊；剩，音「静」。) 失失慌 － 害街坊(小不忍则乱大谋。) 有得赌 － 精神好(烂赌之辈。) 三缺一 － 惨过乞(麻雀术语。) 时运高 － 搏番铺(掌握时机。) 随口up － 当秘笈(语不惊人誓不休。) 招乜积 － 中围骰(高傲而好运。) 赢粒糖 － 输间厂(十赌九输。) 赢把遮 － 输架车(前句另一个版本。) 细细兜 － 容易媾(初出茅庐少女，容易被骗，追求异性也。) 女人心 － 海底针(女人善变。) 十八楼 － 自己友(街坊街里，守望相助。) 有窦口 － 早啲抖(安得广厦千万间。) 读书少 － 畀人藐(学识低者，会被人看不起。) 冇晒计 － 发Lor礼(意思不按常理做事，全句是赶狗入穷巷也。) 咖喱啡 － 扮阿姐(泥充石斑。) 姿姿整 － 有环境(露出马脚。) 咁人齐 － 等发围(同心协力。) 趁佢病 － 攞佢命(赶尽杀绝。) 出嚟威 － 识抢咪(要懂得争取机会。) 唔想衰 － 埋大堆(围结就是力量。) 有异性 － 无人性(见色忘义。) 有杀错 － 冇放过(宁枉莫纵也。) 有胸毛 － 出嚟蒲(恶人形象。) 手毛長 － 性慾強(順口溜而已，無科學根據。) 听唔明 － 扮纯情(装模作样。) 懒癡缠 － 博可怜(做戏咁做。) 眼光光 － 等天光(失眠，满怀心事。) 印印脚 － 等人约(无所事事。) 断乜估 － 冇痛苦(难得糊涂。) 撚雀笼 － 迟早穷(败家的形象。) 人工高 － 冇秘捞(秘捞，秘密地去做兼职也。) 唔够班 － 执二摊(未够斤两。) 跟老顶 － 有得醒(老顶，大哥大之辈；醒，有好处是也。) 着草鞋 － 有排捱(着草，是黑语，即走路、迟难之意。) 走得快 － 好世界(童年时顺口溜。) 大虾细 － 畀屎喂 NumberOne－ 有纹身 (NumberOne，大哥大之辈。) 「渣」Fit人 － 有疤痕 (「渣」Fit，黑语，高级领导人。) 密响Call － 冇甩拖 (将勤补拙。) 手指指 － 扮FAN屎 (扮熟络状，FAN屎，超级歌迷影迷。) 起大屋 － 靠表叔(表叔，中國大陸幹部之稱，此句意思是想在大陸發達，買田買地，非依靠高幹不可為也。) 學猜枚 － 溝表妹 (猜牧，是燈紅酒綠場所的玩意，表妹指大陸女孩子。) 唔够皮 － 无面畀(皮，即「皮费」，经营开支洗费。唔够钱用时，什么人也不卖帐。) 二三线 － 好难变(二三线指不是主角的次级货色。此句语是不好的东西很难会变好的。) 冇啦啦 － 整笪疤(笪的正写应该是「＊」；「疤」读「啦」音。) 白白净 － 冇性病(称赞女孩子的美言。) 人吓人 － 好易晕(广东俗语云：人吓人无药医。意思谓畀人吓惨过俾鬼吓。) 稳稳阵 － 做半份(安全第一，办事不要博得尽。) 手头紧 － 卖白粉(狗急跳墙，不择手段，不理后果。) 吹吹水 － 唔抹嘴(吹水，口沫横飞，爱吹牛皮。) 趁你病 － 挞你订(挞定，是地产买卖术语，放弃交易之意，全句解乘人之危落井下石。) 趁你病 － 攞你命(同上,乘人之危落井下石) 癫癫地 － 唔识死(不知天高地厚。) 买蓝筹 － 唔驶愁(蓝筹，高质素股票。) 过大海 － 博好彩(大海，指澳门，香港人假期喜欢到澳门赌场搏杀。) 口水多 － 无尿屙(指喜欢发表伟论的人，香港俗语有云：口水多过茶，口水多到连尿也没有，厉害可想而知。) 卖大包 － 任人抄(不计较得失。) 幾大就幾大，燒賣就燒賣
博一博，單車變摩托 唔理好醜,最緊要就手 做錯要認,打要企定
上有政策,下有對策 人善被人欺，淫賤笑嘻嘻
後面似公主，前面係蕃薯
講就天下無敵，做就有心無力
返工有心無力，放工精神奕奕
著鞋唔著襪，斯文夾老實
講嘢一舊舊，十足你老豆 淡淡定,有錢剩
速速磅，唔好兩頭望 頭終終,返工等放工 廣東男人
最正路就系叫 男人
社交稱呼都叫 先生 死咗老婆嘅叫 寡佬 鐘意呃女仔嘅叫 金魚佬 下流猥瑣嘅叫 鹹濕佬、麻甩佬 鄉下嚟嘅叫 鄉下佬 國際友人叫 鬼佬 有啲女仔氣嘅叫 乸型 唔中意女人而鐘意男人嘅叫 基佬 粤语童谣(唤起你嘅童年回忆)
细个成日听到,你仲记唔记得 1)落雨大 落雨大,水浸街,阿哥担柴上街卖,阿嫂出街着花鞋,花鞋花袜花腰带,珍珠蝴蝶两边排.排排都有十二粒,粒粒都係解放牌. 2)排排坐 排排坐,吃果果,猫衣(小猫)担凳比姑婆坐,坐烂个屎忽(屁股),唔好(不要)赖我,赖番隔离(旁边)个二叔婆 1 姨媽而家去宜家傢俬買而家啱用嘅宜家傢俬
2 (a) 入實驗室扲緊急制 (b) 入食物實驗室扲緊十個緊急掣 3 一蚊一隻龜,七蚊一隻雞,佢話龜貴過雞,我話雞貴過龜,咁究竟龜貴過雞定係雞貴過龜. 4 麥當娜約咗麥當雄去麥當勞道嗰間麥當勞食麥皮撈當歸 5 粒粒金粒挖銀桔,銀桔挖筆梗不吉,不吉挖金更不吉,筆墨挖骨得不償失,得失混吉挖金筆. 6 雙層牛肉巨無霸,醬汁洋蔥夾青瓜,芝士生菜加芝麻,人人食到笑哈哈. 7 金瓜瓜,銀瓜瓜,瓜棚上面結滿瓜.瓜瓜落下來,打著小娃娃;娃娃叫媽媽,媽媽抱娃娃;娃娃怪瓜瓜,瓜瓜笑娃娃.
Commentaires (4)Pour ajouter un commentaire, connectez-vous avec votre identifiant Windows Live ID (si vous utilisez Messenger ou Xbox LIVE, vous avez un identifiant Windows Live ID). Connectez-vous Vous n'avez pas d'identifiant Windows Live ID ? Inscrivez-vous
RétroliensL'URL de rétrolien de ce billet est : http://kissfanta.spaces.live.com/blog/cns!E2D1E9EB9B804BFF!1533.trak Blogs Web qui font référence à ce billet
|
|
|
